BlogMúsica

Unha Illa, un ano na Artesa con Mielitza

Mielitza celebra connosco o primeiro ano de Unha Illa

Unha Illa é o primeiro traballo de Mielitza. Un traballo que cumpre agora un ano.

En Mielitza respírase tanta ledicia que contaxian sen querelo e por iso e ata o luns, 30 de setembro, celebramos xuntos este aniversario na nosa tenda.

Carla López - Mielitza - Unha Illa - Artesa de Arte

Unha Illa é un traballo que te vai invadindo, paseniño, cada minuto e cada centímetro do camiño dende o teu ouvido ata o máis profundo dos miolos.

Cada tema explórache un anaco descoñecido, mesmo pra ti. Poderías dicir que viaxas nunha aperta. A quen pode non gustarlle?

Queremos hoxe convidarte a participar desta experiencia a través dos oito temas que, cal bráctea ao vento, elevarante, virarante e voltarante a terra. Comeza por atoparte coas Coordenadas, mentres entre Pantasmas, luces e sombras envólveste no caudal dun río que te leve polo frío ata Outrocéano.

Moito máis poderiamos dicir deste fermoso e mimado proxecto que lidera Carla López, pero ti tamén tes que descubrir algo!

Ademais do seu magnífico traballo musical, a arte de Unha Illa vai máis aló e preséntase tamén en forma de bolsa de tea e unha fermosa chapa, ámbalas dúas decoradas coa devandita bráctea.

E volvendo ao tema aniversario, durante este mes tes Unha Illa, a súa bolsa e o pack que inclúe o disco, a bolsa e a chapa, só na nosa tenda, ao 50%!

Só tes que engadir os produtos que queiras á túa cesta e introducir o código XAESTOUNAILLA antes de facer o pagamento.

Ademais, se vives na Coruña, recibirás o teu pedido no mesmo día! Iso si, sempre que o fagas de luns a venres, antes das 14:00; se non, ao día seguinte, que tampouco está nada mal!

Lembra que pra gozar do prezo ao 50% e celebrar esta festa de Unha Illa con Mielitza, tes que usar o código:

XAESTOUNAILLA

Comentarche por último que tamén podes escoitar o seu traballo en Spotify, Deezer, Apple Music, Google Play, Amazon e moitas plataformas máis. Non tes desculpa!

Polo de agora deixámosche abrir boca con esta peza

Escoita «Coordenadas».


Botón volver arriba
Cerrar
Cerrar

Bloqueador de anuncios detectado

Por favor, considere ayudarnos desactivando su bloqueador de anuncios
0

Tu carrito