BlogPintura

Ross Dofield achega a pintura á Artesa

Ross Dofield crea arte personalizada con elementos cotiáns

Ross Dofield é a encargada de abrir a rama artística do lenzo na Artesa, facéndoo concretamente en forma de collages creados con elementos cotiáns. Consegue tratalos e mesturalos de xeito que plasman un punto de vista diferente sobre diversos temas.

Ross Dofield - Artesa de Arte

Esta galega (do Barco de Valdeorras), afincada en Madrid, vén de expoñer a súa obra en diferentes locais e feiras da capital española. Unha obra que dá unha representación particular de diversas temáticas e unha combinación de imaxes e cores que dán viveza á obra, tentando lograr luminosidade e o gozo do detalle.

E agora chega á Coruña, onde expón en La Maleta ata o vindeiro día 31. Mais se non podes achegarte no que queda de mes, non te preocupes, Ross Dofield xa se está a cocer novidades.

A Ross Dofield as ideas xúrdenlle da observación, da meditación, da imaxinación… O froito son estas obras en continua evolución e movemento. Obras vivas.

Obras creadas dende o interior e plasmadas sobre madeira. Un traballo metódico e delicado, tendo en conta combinacións de cor e imaxes que captan a atención en cada fragmento da obra, dándolle tantos sensos como sexa capaz de captar o espectador. un mundo infinito de ideas que poden ser expresadas de mil xeitos diferentes.

LIFE - Ross Dofield - Artesa de Arte - Ambiente

E ademais!

Ross Dofield pode crear  un cadro exclusivo e personalizado pra  ti. Cor, contido, temática… Terá o toque único que ti elixas. Pra o teu espazo de traballo, a túa casa, local… mesmo pra facer un agasallo! As directrices márcalas ti.

Pásate polas súas obras na nosa tenda!

Botón volver arriba
Cerrar
Cerrar

Bloqueador de anuncios detectado

Por favor, considere ayudarnos desactivando su bloqueador de anuncios
0

Tu carrito